Емисии во воздух

Секторот Енергетика опфаќа емисии од согорување на горива за производство на електрична енергија и топлина, како и согорување на горива во домаќинствата, земјоделие и индустријата. Потрошувачката на гориво во рафинериите, како и за надворешно енергетско производство, исто така е вклучена во овој сектор.

Секторот Транспорт опфаќа согорување на горива во сите видови на транспортот како железнички, авионски, езерски како и употребата на вонпатни возила во земјоделството, индустријата и домаќинствата.

Фугитивните емисии од горива вклучуваат емисии поврзани со екстракција, рафинирање, складирање, трансмисија и дистрибуција на фосилни горива.

Секторот „Индустриски процеси и употреба на растворувачи“ опфаќа процеси поврзани со емисии, како што се производството на цемент, употребата на производи и употребата на растворувачи. Емисиите што произлегуваат од енергетската потрошувачка во индустријата се пресметуваат во секторот „Енергија“.

Земјоделието вклучува емисии од одгедување на добиток и примена на вештачки ѓубрива.

Секторот за отпад опфаќа биолошки третман на цврст отпад, инценерација на медицинкси отпад и отворено согорување на отпад, како и третман на отпадни води од индустрија и домаќинства и други активности. Собирање на депониски биогас за енергетско производство, како и биогасната продукција преку анаеробна дигестија на тиња во постројките за преработка на отпадни води, се вклучени во овој сектор.

Вклучува емисии од пожари