Управување со податоците од Државниот автоматски мониторинг систем за квалитет на воздухот се врши преку системот за управување со податоци – AIRVIRO. Системот секој час ги повикува сите станици од ДАМСКВ преку GPRS врска и прибира часовни податоци од сите станици за сите загадувачки супстанци кои што се мерат и истите во реално време се прикажуваат на веб страната за квалитет на воздухот на МЖСПП.
Расположливите податоци од ДАМСКВ секојдневно се следат и се врши нивна валидација, верификација, соодветна обработка и анализа.
Врз основа на добиените и валидирани часовни податоци се подготвуваат различни типови на редовни извештаи (дневен, месечен и годишен извештај) за квалитетот на воздухот, извештај за оценка на квалитетот на воздухот.
Исто така се врши редовно известување во случај на надминување на праговите на информирање и праговите на алармирање.
Сите извештаи како и известувањата за надминување на праговите на информирање и алармирање континуирано се објавуваат на веб страната за квалитет на воздухот на МЖСПП.
Податоците од ДАМСКВ исто така во реално време се прикажуваат и на веб страната на Европската агенција за животна средина (ЕЕА) Исто така, нашата држава редовно ги исполнува обврските во однос на годишното репортирање на податоците за квалитет на воздухот према ЕЕА.
